أهل الطرب ... للشاعرة د. هاله القصاص

 اهل الطرب 

يااهل الطرب بزيادة 

راسى وجعنى يا سادة 

بكرة رايح العيادة 

احط فى ودانى . قطنة وسداده 

يا عينى يا ودانى . مابقيتش سمعانى 

خايف اشيل القطنة. لتتخرم تاااانى

لما شاكوش خبطنى . وحمو.حمااانى

ومن يومها حطيت القطنة فى ودانى 

يمكن ودانى تخف . وعيني تبطل ترف

من سمع الاغااااانى

واحشنى يا طلب . با معلم الطرب 

تقول يا ليل يا عين . تداوى اشجانى

ياناس كفاية بقى. دى راسى وجعانى

عاملين مرستان . وتقولوا. اغااانى

اومال حليم كان إيه. فى عالم تاني 

ولا ثومه يا بيه . بشوفها فى احلامى 

ده بينه كابوس . على قلبى بيدوس 

سمعت ابو الرووس.كذيت على سنانى

وخايف اقول الأه . ليقطعوا لسااااانى

يا اهل الطرب سامحونى . لما اغمض عيوني 

واشد فى جفوني. واقفل على ودااانى

نفسى اكون اطرش. مش فريد الاطرش 

انا خلاص قررت. ماسمعش اغااانى 

احسن فى يوم أنهههق. واقول حاااااه يااانى

************************************

بقلمى . هالة ابراهيم على ابراهيم القصاص

*********

***************************