خليك جدع للشاعر إسماعيل عبد الراضي

 خليك جدع......

عارف الوجع

اصعب وجع

لما يجيك 

من حد كنت معاه جدع.....

قابلتني عرافة

من الي بتشوف الودع

قالت جدع

بس انت هتشوف البدع

من ناس رخيصة ومرتجع

خليك جدع.........

عارف الخيانة  اصعب خيانة 

لما حد يقول بحبك 

وهو غادر

لما يلعب بالمشاعر 

وانت قادر عليه ترد

لكن جدع.........

عارف الوعود 

لما تكون ملهاش حدود

لما تطير بيك في السماء 

ولما تعود

متلقيش غير السدود

وتعرف انك كنت فيها بتنخدع

وترجع تقوم علشان جدع.......

عارف السكوت

لما يكون مليان كلام 

والجرح من جواك 

والاه تقيله على اللسان

وانت بتداري

علشان انت جدع........

عارف الدموع.  اصعب دموع 

لما تتحاش في العنين

ويبان عليك انك سعيد 

وأنت حزين علشان جدع.......

عارف الحكاية.   اصعب حكاية

انك تكون انسان مثالي

في وسط غابة 

تكون حمل وسط الديابه

وانت قادر تبقى ديب

بس انت مش راضي 

علشان انت جدع.      

خليك جدع........... 

    إسماعيل عبد الراضي