يالنسيت والشاعر سيد محسن الموسوي

 ‏(( يالنسيت  ))

‏يالرحت عني وجفيـت

‏انت ما تدري شنسيت

‏جروح ناسيها بـدليلي

‏ومنهـا ابـداً ما شفيـت

‏وناسـي بـحشاي الألـم

‏ونـــار بيهـا ألـوجريـت

‏وبفكـري ناسيلك وهـم

‏حيرّت عگلـي ومشيـت

‏وبروحي ناسيلك حزن

‏بيـه مــجبور ارتـضيت

‏وناسي بـعيوني ظـلام

‏وشمعتّك آنـه الضويت

‏ونـاسي ببــدانـي وهـن

‏ومنّـه اتـعكـز صـفيــت

‏وعندي ناسيلك رسايل

‏وسـفه غـرتّني وهويت

‏وناسي عهـدك والحلف

‏يا حسافه....الما وفيت

‏غـدار ....مـا منك رجـه

‏روح وافعل... ما نويت

‏شـالـذنب آني الجنيتـه

‏وبالـهجـر انت ابتديـت

‏آنـــه صابـــر محتسـب

‏ بقصتي ابدأ ما حچيت

‏ماعندي غير الله ونبيّه

‏لــذت بيهـم..واحتميت

‏د. سيد محسن الموسوي