كاتب لمين للشاعر راضي السقا

 @ كاتب لمين @

سرح بعقله وقال الكلام ده لمين ليا ولا للجميع 

فكر غريب شك مريب ما يشفي حتي العليل 

قولت ياصبر فينك تصبرني علي عقل فظيع 

ليه وليه ولمين كاتب نار الشوق وأنت بخيل

ضلال وإتهامات لا سجل ولا فيه  دليل للبيع 

هف عليا الشوق قولت اكتب عاشق يا ليل

ولما أحن وأطبطب عليه  يسرح شرق وغرب في السريع

 قولت وحشني..... يقولي ياسلام ايه التعليل

أطاوع عقل عجيب وأمشي وراه كيف القطيع

أطلع غلطان وأشيل واخرتها انا عاشق بخيل 

حبست الكلام لا لوم ولا خصام ولا هوى ربيع

زهقت من كل الكلام وعايش علي نور قنديل

 رفعت راية الأجتناب فوق جبل ثلج صقيع

كنت أكتب في الحب كلام بيقولوا عليه جميل

أحل عقدته ومعاه اكرر كلامي وأعيد وللفرح أذيع

القصد والنية كلام من حوارنا لجمع تمر النخيل 

طلع كلامي مشاع مش لحبيبي بس بل للجميع 

قال كلام جميل بس ياتري كاتبه  لمين وفين الدليل 

راضي السقا