الصقي عدا البحور للشاعر توفيق بومدين

 ** الصفى عدا البحور **

عليك النادي يـا التالف وسط الجوقة

بالي مشطون عليك ونفاسي مخنوقة

تلفـتي ما داوها فيك 

والكبدة ما بقات عليك محروقة

الجراح ما بغات تتعافى

والشوفة لحالك صبحات خرافة

وجميع البيبان فوجهك مغلوقة

رد بالك راه قوالهم كلها تتنافى

الصفى عدى البحور

والسفينة ضربولها تلافة

وكلمت الحق ما بقات منطوقة 

عليك النادي يا داك الغادي

يا الرايح بلا معول

يا المفرج فالحلاقي بلا ما تسول

راك راكب فوق بغلة مطلوقة

غدا تزعرط بيك

فين ما والاها ترميك

ما تلقى للي يحميك

ولا حد من ديك الجوقة

                       توفيق بومدين