صعيدى قناوى وأفتخر للشاعر الشاعر صبرى عبد الواحد الحسانى

 كلمات شاعر بني هاشم

الشاعر صبرى عبد الواحد الحسانى 

           صعيدى قناوى وأفتخر 

قنا من اولها لأخرها

                حقهم ما يتركوش

وان سابه يبقى لفترة

                لكن ابدا مايسيبهوش

أنت ممكن تنساه

                لكن هو ما ينساهوش

تعدى سنين وايام

.                ما تغمض ليهم عيون ولا رموش

وحقهم مش ناسيين

                  وانت تقول ما هياخدهوش

لكن النار جواهم 

                  ما حد يقدر ليها يحوش 

كل يوم عن يوم بتزيد

                  وفى غير حقهم ما بيفكروش

ولما ياجى الاوان

                  الحق هيرجع ما تستهونوش

بيورثوه لاحفادهم 

.                 المحقوق ينسى وصاحب الحق ما ينساهوش

أهل قنا دول حاجه تانيه

                  طيبة وجدعنة ويغطوك بالرموش

طول ما عرفوك اصيل

.                 وكلامك تقوله وما ترجعهوش

ما يعملوش العيبه 

                  وللعايب ما يميلوش

والكلمه عندهم تار 

                  يمكن فى وقتها ما يردوش 

لكن لتارهم ما ينسوش

                  ونهار وليل ما بيناموش

إلا لما ياخدوا تارهم 

                  بالطيبين ما تستهونوش

أنا قناوى بحب الاغانى 

                   والشعر من أفكار ما بنقلهوش

               فارس وشاعر وخيال وهجان      

     والقلب من الفرح ما بحرمهوش

قنا من اولها وآخرها

                على حقهم ما بيسكتوش