صرخة صامت للشاعر فهمى محمود حجازى

 صرخة صامت

صامت وجوايا للصمت ألف صرخه وصوت

جوايا صرخة ألم بتقول ياناس مكبوت

والتانية صرخة طيبة خايفه يا ناس لتموت

والتالته صرخة ندم على حلم بلعه. الحوت

والرابعة صرخة لعمر كأنه شجرة توت

 أما طرح الحلو حس بمرار في القوت

وألف صرخة وصرخة ع المسلم اللي بموت

والدنيا سامعه وساكته والظلم حط شروط

وإن جيت تقول لأه تلقى الكلام مغلوط

والصبرمحتاج زقه ليتخنق ويموت

وإسلامنا محتاج واقفه قبل الزمان مايفوت

ودينا محتاج علما مش شيخ عاملي كيوت

واديني بصرخ صرخة بعد انحباس الصوت

يمكن تصحي البعدا قبل مايجي الموت

وينكتب في الذكرى ده كان عديم الصوت

بقلم الشاعر فهمى محمود حجازى